XX. mendeko Euskararen Corpus estatistikoa

Testuingurua

Zure arpegia kausi beharrez,
lan dezadan, setaz eta astiro,
bizitza-enborra; eskuz, maitero,
zur lantzen mailuka, bihotz-zizelez.

Zure hazpegiak irarri indarrez,
lurrera ditzadan ezpalak oro,
lur-neu-zalekeri huts eta ero,
begizta zaitzadan zuhaur zarenez.

Atseden-aldia egin dezadan:
bularra lasaituz arnasa berriz,
begiak poz, amets-zorabioan.

Azken ikutuak esku dardartiz:
jo dut egur-muin sakon-hezean,
nire eskuetako odolez bustiz.